शेलू येथील विवाहितेचा विनयभंग, आरोपीविरोधात गुन्हा दाखल

वणी: वणी तालुक्यातील शेलू येथील 23 वर्षीय विवाहितेचा विनयभंग केल्याप्रकरणी गुन्हा दाखल करण्यात आला आहे. आरोपीचं नाव धनराज महादेव ठेंगणे (37) असून त्यानं विवाहितेकडे पाहून अश्लील इशारे केले होते. तसंच तिला एक चिठ्ठी लिहून दिली होती.

बुधवारला सायंकाळी 6 साडेसहा वाजता सुमारास गावातील धनराज महादेव ठेंगणे यानं विवाहितेकडे बघून अश्लील इशारे केले. त्यामुळे विवाहिता घाबरली. तिचा पती शेतातून घरी आल्यानंतर तिनं घडलेला सर्व प्रकार तिच्या पतीला सांगितला. त्यानंतर तिच्या पतीनं धनराजला याबाबत विचारणा केली, मात्र धनराजनं सदर महिलेला व तिच्या पतीला अश्लील शिवीगाळ केली. तसंच दोघांना जीवे मारण्याची धमकी दिली, अशी तक्रार विवाहितेने पोलिसात दिली.