सुशील ओझा, झरी: तालुक्यातील पटसंख्येच्या दृष्टीने तालुक्यात सर्वात मोठी असलेल्या जिल्हा परिषद उच्च प्राथमिक शाळा अडेगाव येथील दोन विद्यार्थी नवोदय विद्यालयासाठी पात्र ठरले आहेत. त्यांना आता बेलोरा (घाटंजी) इेथील इयत्ता 6 वी साठी प्रवेश घेता येणार आहे.
संघर्ष उमाकांत पायताडे व अश्विनी मोहन कोटनाके असे या पात्र झालेल्या विद्यार्थ्यांची नावे आहेत. अभ्यासात हुशार असलेल्या या दोन्ही विद्यार्थ्यांनी आपल्या यशाचे श्रेय आपले आईवडील, वर्गशिक्षक, मुख्याध्यापक व शाळेतील इतर शिक्षकांना दिलेले आहे.
त्यांनी मिळविलेल्या या यशाबद्दल त्यांचे शाळा व्यवस्थापन समिती, गटविकास अधिकारी, गटशिक्षणाधिकारी, विस्तार अधिकारी, केंद्रप्रमुख आणि अडेगाव ग्रामवासीयांनी अभिनंदन केले आहे.
