पुरुषोत्तम नवघरे, वणी: सन्मान स्त्री शक्ती फाउंडेशन वणी तर्फे शहरातील सर्व प्रशासकीय अधिका-यांना राखी बांधून ओवळणीत स्त्री रक्षणाची हमी मागण्यात आली. सध्या देशात महिल संरक्षणचा प्रश्न ऐरणीवर आला आहे. महिला अत्याचारासंबंधी कठोर शासन होत नाही. अधिका-यांनी महिलांशी एक भाऊ म्हणून कायम पाठीशी असावे यासाठी सन्मान तर्फे वणीतील सर्व प्रशासकीय कार्यालयात जाऊन तेथील अधिका-यांना राखी बांधण्यात आली. यावेळी सन्मान स्त्रीशक्ती फाउंडेशनच्या संस्थापिका किरण देरकर, शारदा चिंतकुंटलावार, वैशाली देठे, सुरेखा ढेंगळे, वृषाली खानझोडे, अर्चना पिदुरकर, मीनाक्षी मोहिते, संजीवनी खीरटकर इत्यादी महिला उपस्थित होत्या.