पुरुषोत्तम नवघरे, वणी: डॉ. बाबासाहेब आंबेडकर यांच्या महापरिनिर्वाण दिना निमित्त रविवारी दिनांक 24 डिसेंबर रोजी धम्मक्रांती मेळाव्याचे आयोजन करण्यात आले आहे. एस.पी.एम. हॉयस्कूलच्या मागील खुले मैदान, भीमनगर येथे संध्याकाळी 5 ते रा. 10 यावेळेत हा मेळावा होणार आहे. संविधान जागर सन्मान मंच, वणीच्या वतीने या मेळाव्याचे आयोजन करण्यात आले आहे. या मेळाव्यात बुद्धिस्ट सोसायटीचे राष्ट्रीय अध्यक्ष डॉ. राजरत्न आंबेडकर हे प्रमुख वक्ते म्हणून उपस्थित राहणार आहे. ‘बौद्धांची स्वतंत्र अर्थव्यवस्था’ या विषयावर ते आपले विचार व्यक्त करणार आहेत. या कार्यक्रमाचे उदघाट्क विलास वाघमारे राहणार असून स्वागतध्यक्ष गौरीशंकर खुराणा राहणार आहेत. कार्यक्रमाला दिनेश हनुमंते राज्य अध्यक्ष भारतीय बौद्ध महासभा यांच्यासह वैभव धबडगे, सतीश इंगोले, अंकुश माफूर, सुजाता प्रभाकर कांबळे यांची प्रमुख उपस्थिती राहणार आहे. परिसरातील समाज बांधवानी या मेळाव्याला हजेरी लावावी असे आवाहन आयोजकांतर्फे करण्यात आले आहे.