सुशील ओझा, झरी: तालुक्यातील भेंडाळा येथील जिल्हा परिषद शाळेत २ शिक्षक कमी असल्याने मुलांच्या शिक्षणाशी खेळ होत आहे. त्यामुळे लवकरात लवकर शाळेत दोन शिक्षक द्यावे अशी मागणी भेंडाळावासीयांनी केली आहे.
भेंडाळा शाळेत १ ते ७ वर्ग पर्यंत तुकड्या आहेत. यात मुलामुलींची एकूण पटसंख्या ९२ आहे. तर या विद्यार्थ्यांसाठी फक्त ३ शिक्षक आहेत. त्यातही एका शिक्षकाची बदली करण्यात आली ज्यामुळे आता तिथे फक्त दोनच शिक्षक आहे.
वर्ग १ ते ५ ची पटसंख्या ६१ असून वर्ग ६ ते ७ वर्गाची पटसंख्या ३१ आहे. ९२ विद्यार्थ्यांचे शैक्षणिक नुकसान होऊ नये याकरिता पंचायत समिती गटविकास अधिकारी यांना निवेदन देऊन दोन शिक्षकाची मागणी केली आहे.
शिक्षक न दिल्यास पंचायत समिती समोर उपोषण बसण्याचा इशारा गजानन धांडे, मारोती गिरसावळे, विनोद सरांतवरकर, संदीप गोंडे, संतोष पानघाटे, मारोती रोहणे, राकेश लेनगुळे, मंगेश धांडे,अमोल येलादे, किशोर झाडे सह गावकर्यांनी दिला आहे.
