विवेक तोटेवार, वणी: दोन दिवसांआधी बेपत्ता झालेल्या तरुणाचा आज सकाळी एका शेतात मृतदेह आढळून आला. मोरेश्वर गणपत देवाळकर (33) असे मृताचे नाव आहे. मोरेश्वर 10 ऑक्टोबर रोजी घरून निघून गेला होता.
मोरेश्वर गणपत देवाळकर हा तेली फैल येथील रहिवाशी होती. रविवारी दुपारी मोरेश्वर हा घरून निघून गेला होता. रात्री पर्यंत तो घरी आला नाही. त्यामुळे त्याच्या वडिलांनी बेपत्ता झाल्याची तक्रार वणी पोलीस स्टेशनमध्ये नोंदवली होती. घटनेचा तपास विठ्ठल बुरेवार करीत होते.
आज मंगळवारी दिनांक 12 ऑक्टोबर रोजी विद्यानागरी जवळ असलेल्या पोटदुखे यांच्या शेतात पाणी साचलेल्या एका खड्यात मोरेश्वर याचा मृतदेह आढळून आला. याची माहिती मिळताच पोलीस घटनास्थळी पोहोचले. पोलिसांनी घटनेचा पंचनामा केला व अकस्मात मृत्यूची नोंद केली. बेपत्ता झालेला तरुण गतीमंद असल्याची माहिती आहे. तसेच मोरेश्वरच्या भावाचा देखील याच पद्धतीने मृत्यू झाल्याची माहिती आहे.
हे देखील वाचा:
Comments are closed.